மின்னணு நகல்களை எதிரிக்கு

இராம் பிரசாத் என்பவர் மீது இ. த. ச பிரிவு 323 ன் கீழ் ஒரு வழக்கு பதிவு செய்யப்பட்டது. இவர் இந்த வழக்கில் 5 ஆம் எதிரி ஆவார். மற்ற எதிரிகள் மீது இ. த. ச பிரிவுகள் 302 மற்றும் 34 ன் கீழ் வழக்கு பதிவு செய்யப்பட்டது.

குறுந்தகடு (CD)

இந்த வழக்கில் சாட்சிகள் விசாரிக்கப்பட்டு ஆவணங்களும் குறியீடு செய்யப்பட்டது. அதில் ஒரு வீடியோவும், ஒரு குறுந்தகடும் சான்றாவணமாக குறியீடு செய்யப்பட்டது. இராம் பிரசாத் குற்றவியல் நடுவர் நீதிமன்றத்தில் அந்த குறுந்தகடின் நகலை தனக்கு தர வேண்டும் என்று கூறி ஒரு மனுவை தாக்கல் செய்தார். 

காவல்துறை மறுப்பு

அந்த மனுவிற்கு பதிலுரை தாக்கல் செய்த காவல்துறையினர் இ. த. ச பிரிவு 29 மற்றும் இந்திய சாட்சிய சட்டம் பிரிவு 3 ஆகியவற்றின்படி குறுந்தகட்டை ஒரு ஆவணமாக கருதக்கூடாது, எனவே இராம் பிரசாத்க்கு குறுந்தகட்டின் நகலை தர வேண்டிய அவசியம் இல்லை என்று கூறினர்.

கீழமை நீதிமன்றத்தின் தீர்ப்பு

காவல்துறையினரின் வாதத்தை ஏற்றுக் கொண்ட குற்றவியல் நடுவர் இராம் பிரசாத்தின் மனுவை தள்ளுபடி செய்து உத்தரவிடஉத்தரவிட்டார். 

உயர்நீதிமன்றத்தில் மேல்முறையீடு

அந்த உத்தரவை எதிர்த்து இராம் பிரசாத் இந்த மனுவை மதுரை உயர்நீதிமன்றத்தில் தாக்கல் செய்தார்.

வழக்கை நீதிபதி திரு. வைத்தியநாதன் விசாரித்தார்.

இந்திய சாட்சிய சட்டத்தில், 2000 ஆம் ஆண்டில் சட்டம் 21/2000 ன்படி புதிதாக 65(B) என்கிற சட்டப் பிரிவு சேர்க்கப்பட்டு அது 17.10.2000 முதல் நடைமுறைக்கு வந்துள்ளது. அதன்படி மின்னணு நகல்களை சாட்சிகளை குறுக்கு விசாரணை செய்வதற்கு ஏதுவாக எதிரிக்கு வழங்க வேண்டும். அப்படி எதிரிக்கு வழங்காவிட்டால் அவரால் சாட்சிகளை முழுமையாக குறுக்கு விசாரணை செய்ய முடியாது.

இதுபோக இந்திய தண்டனைச் சட்டத்தில் 17.10.2000 ஆம் தேதியில் புதிதாக சட்டப் பிரிவு 29(A) என்ற பிரிவு சேர்க்கப்பட்டுள்ளது. அதில் மின்னணு ஆவணங்கள் என்ற சொற்கள் தகவல் தொழில்நுட்பச் சட்டம் 2000 ல் பிரிவு 2 உட்பிரிவு 1 கூறு (2) ல் கூறப்பட்டுள்ள பொருளையே கொண்டிருக்கும் என்று கூறப்பட்டுள்ளது. எனவே இந்திய தண்டனைச் சட்டம் மற்றும் இந்திய சாட்சிய சட்டம் ஆகியவற்றின்படி குறுந்தகட்டின் நகலை பெற எதிரிக்கு உரிமை உள்ளது என்று கூறி இராம் பிரசாத் மனுவை தள்ளுபடி செய்து குற்றவியல் நடுவர் பிறப்பித்த உத்தரவை ரத்து செய்து நீதியரசர் உத்தரவிட்டார்.

வழக்கு எண் :  CRL. OP. NO - 18495/2013, dt- 7.1.2014

இராம் (எ) இராம் பிரசாத் Vs ஆய்வாளர், கண்டோன்மெண்ட் காவல் நிலையம், திருச்சி

2014-2-MLJ-CRL-83

நன்றி : முகநூல் நண்பர், வழக்கறிஞர் திரு ‎Dhanesh Balamurugan அவர்கள்

*************************** அன்புடன் செல்வம் பழனிச்சாமி - 05.01.2018  

ரயில்பயணியிடம் கொள்ளை நடந்தால்

ரயில்வே துறையே பொறுப்பு'

'பாதுகாப்பான, வசதியான பயணத்தை அளிக்கும் பொறுப்பை, ரயில்வே துறை, தட்டிக்கழிக்க முடியாது; பயணத்தின்போது ரயில் பயணியிடம் கொள்ளை  நடந்தால், அந்த இழப்பை, ரயில்வேதான் ஈடுகட்ட வேண்டும்' என, தேசிய நுகர்வோர் கமிஷன் - National Consumer Disputes Redressal Commission (NCDRC) உத்தரவிட்டு உள்ளது. 

முதல் வகுப்புப்பெட்டியில்....

கடந்த, 2011ம் ஆண்டு பிப்ரவரி மாதத்தில் 8-ம் தேதி  ஜாஸ்மின் மான் என்ற பெண்மணி, டில்லியில் இருந்து கங்காநகருக்கு, சூப்பர் பாஸ்ட் ரயிலில், 'ஏசி' வகுப்பில் சென்றார். அப்போது,  அதிகாலையில், அவர் பயணித்த பெட்டியில் கதவு திறந்திருந்ததால், உள்ளே நுழைந்த திருடன், அவரை தாக்கி, ரூ.2,30,000/- மதிப்புள்ள நகைகளையும், பணத்தையும் பறித்துச் சென்றான்.  அந்த நேரத்தில் அந்தப் பெண்மணி அலறி, ரயில்வே ஊழியர்களை உதவிக்கு அழைத்த போதும், யாருமே வரவில்லை. இதுபற்றி அவர் அடுத்த ஸ்டேஷனில் உள்ள (RPF) ரயில்வே பாதுகாப்பு படை அலுவலகத்தில்  புகார் பதிவு செய்தார். 

நுகர்வோர் கமிஷனில் புகார்

இது தொடர்பாக, ஜாஸ்மின் மான் மாவட்ட நுகர்வோர் கமிஷனில்,  புகார் அளித்தார். புகாரை விசாரித்த நுகர்வோர் கமிஷன், 'பாதிக்கப்பட்ட பெண்ணிற்கு, 40 ஆயிரம் ரூபாய் இழப்பீடும், திருடு போன பொருட்களுக்கான பணமும் சேர்த்து, 2.70 லட்சம் ரூபாயை, வட்டியுடன் தர வேண்டும்' என, ரயில்வேக்கு உத்தரவிட்டது.

மேல்முறையீடு 

இந்த உத்தரவை எதிர்த்து, ரயில்வே ராஜஸ்தான் நுகர்வோர் கமிஷனில் மேல்முறையீடு தாக்கல் செய்யப்பட்டது. ஆனால், அது.  தள்ளுபடி செய்யப்பட்டதால், தேசிய நுகர்வோர் கமிஷனில், ரயில்வே சார்பில், இரண்டாம்  மேல்முறையீடு செய்யப்பட்டது. கமிஷன் முன் ஆஜரான, ரயில்வே வழக்கறிஞர், 'பயணியரின் பொருட்களுக்கு, ரயில்வே பொறுப்பாக முடியாது. ரயில்வேயின் ஏஜன்ட் அல்லது பணியாளரிடம், பதிவு செய்து ரசீது பெறப்பட்டிருந்தால் மட்டுமே, ரயில்வே பொறுப்பேற்க முடியும்' என, வாதிட்டார். 

தேசிய நுகர்வோர் கமிஷன் பிறப்பித்த உத்தரவு

இதை தேசிய நுகர்வோர் கமிஷன் ஏற்க மறுத்தது, நுகர்வோர் கமிஷன் பயணியரின் பொருள் இழப்பு, ரயில்வே ஊழியர்களின் அலட்சியத்தால் அல்லது ஏஜன்டுகளின் அலட்சியத்தால் ஏற்பட்டது என, பயணியால் நிரூபிக்க முடியாவிட்டால் மட்டுமே, (இழப்பிற்கு) அதற்கு, ரயில்வே பொறுப்பேற்க முடியாது. 

தற்போதைய வழக்கில், ரயில்வே ஊழியர், 'ஏசி' அறையின் கதவை, அலட்சியமாக திறந்து விட்டு சென்றுள்ளார். அதனால்தான், திருட்டு நடந்துள்ளது. தன் பொருட்களை பாதுகாக்க,  (பயணி) மனுதாரர் குரல் எழுப்பி உள்ளார். ஆனால், ரயில்வே ஊழியர்கள் யாருமே உதவிக்கு வரவில்லை. பயணிகளுக்கு பாதுகாப்பான, வசதியான பயணத்தை அளிக்கும் பொறுப்பை, ரயில்வே துறை, தட்டிக்கழிக்க முடியாது; ரயில் பயணியிடம் கொள்ளை நடந்தால், அந்த இழப்பை ரயில்வேதான், ஈடுகட்ட வேண்டும். எனவே, மாவட்ட நுகர்வோர் கமிஷன் அளித்த உத்தரவு ஏற்கப்படுகிறது. 

இவ்வாறு அந்த உத்தரவில் கூறப்பட்டுள்ளது.

***************************** அன்புடன் செல்வம் பழனிச்சாமி - 05.01.2018 

தீர்ப்பு நகல்கள் உதவி : முகநூல் நண்பர் திரு Trdurai Kamaraj  அவர்கள்

ஆதார்' கைவிரல் ரேகை பாதுகாக்க......

இப்போது 'ஆதார்' பதிவேட்டில் உள்ள, நமது கைவிரல் ரேகையை பாதுகாக்க,  ஏற்பாடு  செய்யப்பட்டுள்ளது.

நமது நாடு முழுவதும், வங்கிக் கணக்கு, அலைபேசி, எரிவாயு இணைப்பு, வாக்காளை அட்டை உள்ளிட்ட பல்வேறு சேவைகளுடன், 'ஆதார்' எண்ணை இணைக்கும் பணி, வேகமாக நடைபெற்று வருகிறது. இருந்தாலும் இதுபோன்ற தனிப்பட்ட விஷயங்கள், போலிகளை ஒழிப்பதற்காக சேகரிக்கப்பட்டாலும் அவை கசிந்தால், பெரும் பாதிப்புகள் ஏற்படும் என்ற எண்ணம் கொண்ட சில மக்கள் தங்களது எதிர்ப்பினை தெரிவித்து வருகின்றனர்.

500 ரூபாய் கொடுத்தால், ஒருவரது ஆதார் குறித்த அனைத்து விபரங்களையும், சிலர் விற்பதாகவும் புகார் எழுந்துள்ளது. ஆனால், அதை மத்திய அரசு மறுத்துள்ளது. 

பயோமெட்ரிக் டேட்டா

ஆதாரில், 'பயோமெட்ரிக் டேட்டா' என்ற தகவல் தொகுப்பில், ஒருவரது கைவிரல் ரேகை பதிவு செய்யப்படுகிறது. அதை, யாரேனும் போலியாக தயாரித்து, அதன் வாயிலாக பயனடைய வாய்ப்புள்ளது என்ற அச்சம் பொதுமக்களிடையே உள்ளது.  அதனைப் போக்கவும், தற்போது ஒரு வழி கண்டுபிடிக்கப்பட்டு உள்ளது.

செக்யூர் பயோமெட்ரிக்ஸ்

ஆதார் அமைப்பின், www.uidai.gov.in என்ற, வலைதளத்திற்குள் நீங்கள் நுழைந்ததும், 'ஆதார் சர்வீசஸ்' என்ற தலைப்பின் கீழ், 'செக்யூர் பயோமெட்ரிக்ஸ்' என்ற வார்த்தையை பார்க்கலாம். அதன் அருகில், 'லாக்/அன்லாக் பயோமெட்ரிக்ஸ்' என்ற இடத்தில், நீங்கள் 'கிளிக்' செய்து,  உரிய இடத்தில், உங்களது ஆதார் எண்ணை பதிவிட்டால், உங்களது பதிவு செய்யப்பட்ட அலைபேசிக்கு, ஒரு (OTP) 'பாஸ்வேர்டு' வரும். அதை உரிய இடத்தில் பதிவிட்டால், உங்கள், பயோமெட்ரிக் கைவிரல் ரேகை உடனே, 'லாக்' ஆகிவிடும். அதற்குப் பிறகு அதனை யாரும் பார்க்கவே முடியாது.

அதனை நீங்களே கூட, பயன்படுத்த நினைத்தாலும் பயன்படுத்த முடியாது. மீண்டும் அதனை நீங்கள் செயல்படுத்த நினைத்தால் மேற்கண்ட இணையதளம் சென்று, அதே வழிமுறையை பின்பற்றி, 'அன்லாக்' செய்ய வேண்டும்.

*************************************** அன்புடன் செல்வம் பழனிச்சாமி - 05.01.2018