திருமணப் பதிவு - சட்டம் என்ன சொல்கிறது

இந்து மதத்தை சார்ந்த ஆணும், கிறிஸ்தவ மதத்தை சார்ந்த ஒரு பெண்ணும் திருமணம் செய்து கொண்டால் அவர்களுடைய திருமணத்தை எந்த சட்டத்தின் கீழ் பதிவு செய்ய வேண்டும்?

இந்து திருமணச் சட்டம்

இரண்டு இந்துக்களுக்கிடையே நடைபெறும் திருமணத்திற்கு மட்டும்தான் இந்து திருமணச் சட்டம் பொருந்தும். இரண்டு வெவ்வேறு மதத்தை சார்ந்தவர்களுக்கிடையே நடைபெறும் திருமணங்களுக்கு இந்த திருமணச் சட்டம் பொருந்தாது என்று இந்து திருமணச் சட்டம் பிரிவு 2 ல் இது குறித்து தெளிவாக குறிப்பிடப்பட்டுள்ளது.

இந்து திருமணச் சட்டம் பிரிவு 2(1)(a) ஆனது, இந்து மதத்தை சார்ந்துள்ள ஒரு நபருக்கு தான் பொருந்தும். அந்த இந்து மதம் எந்த முறையில் வளர்ச்சியில் இருந்தாலும் அந்த பிரிவு பொருந்தும். இஸ்லாமியர்கள், கிறிஸ்தவர்கள், பார்சிகள் அல்லது ஜீ மதத்தை சார்ந்தவர்கள் இந்து என்பதிலிருந்து விலக்கப்பட்டு உள்ளார்கள் என்று உட்பிரிவு C ல் குறிப்பிடப்பட்டுள்ளது. சில நிபந்தனைகள் நிறைவேற்றப்பட்டு இரண்டு இந்துக்களிடையே ஒரு திருமணம் நடைபெற்றிருக்க வேண்டுமென இந்து திருமணச் சட்டம் பிரிவு 5 ல் கூறப்பட்டுள்ளது. எனவே இந்து திருமணச் சட்டமானது இரண்டு இந்துக்களுக்கிடையே நடைபெற்றுள்ள திருமணத்திற்கு தான் பொருந்தும் என்பதில் சந்தேகம் இல்லை.

இந்திய கிறிஸ்தவ திருமணச் சட்டம்

இந்திய கிறிஸ்தவ திருமணச் சட்டம் பிரிவு 4 ல் "திருமணம் நடைபெறும் இருவரில் ஒருவர் அல்லது இருவருமே கிறிஸ்தவராக இருந்து, கிறிஸ்தவ முறைப்படி திருமணம் நடைபெற்றிருந்தால் மட்டுமே அந்த திருமணம் செல்லும் என்றும், அப்படி இல்லையென்றால் அந்த திருமணம் செல்லாது என்று" கூறப்பட்டுள்ளது.

இந்திய கிறிஸ்தவ திருமணச் சட்டம் பிரிவு 4 மற்றும் இந்து திருமணச் சட்டம் பிரிவு 5 ஆகியவற்றில் கூறப்பட்டுள்ளவற்றை ஒப்பிட்டு பார்க்கும் போது, குல வழக்கப்படி இரண்டு இந்துக்களிடையே நடைபெற்றுள்ள திருமணத்தை மட்டுமே இந்து திருமணச் சட்டம் செல்லத்தக்கது என்று ஏற்றுக்கொள்கிறது.

இரண்டு சட்டங்களில் எது பொருந்தும்?

திருமணம் செய்து கொள்கிற இரண்டு நபர்களில் ஒருவர் கிறிஸ்தவ மதத்தை சார்ந்தவராக இருந்து, மற்றொரு நபர் இந்து மதத்தை சார்ந்தவராக இருந்தாலும், இந்து திருமணச் சட்டம் அந்த திருமணத்திற்கு பொருந்தாது. அத்தகைய திருமணத்திற்கு இந்திய கிறிஸ்தவ திருமணச் சட்டமே பொருந்தும்.

இந்திய கிறிஸ்தவ திருமணச் சட்டத்தில் கூறப்பட்டுள்ளவாறு, ஒரு திருமணம் நடைபெறவில்லை என்றால், அந்த திருமணம் இல்லாநிலை திருமணமாக (Void) கருதப்படும். சிறப்பு திருமணச் சட்டத்தை விடவும், மேலோங்கு செயல் திறன் (Over riding Effect) இந்திய கிறிஸ்தவ திருமணச் சட்டத்திற்கு அளிக்கப்படவில்லை.

சிறப்பு திருமணச் சட்டம்

சிறப்பு திருமணச் சட்டத்திற்கு அந்த மேலோங்கு அதிகாரம் அளிக்கப்பட்டுள்ளது. சிறப்பு திருமணச் சட்டம் பிரிவு 4 ல் சிறப்பு திருமண செய்வதற்கான நடைமுறைகள் பற்றி கூறப்பட்டுள்ளது. இதன்படி திருமணம் ஒன்று நிகழ்வதற்கு திருமண தம்பதிகள் இருவரும் அட்டவணை 2 ல் குறிப்பிட்டுள்ள படிவத்தில் அவர்கள் இருவரும் அல்லது ஒருவர் திருமணத்திற்கு முன் 30 நாட்களுக்கு குறைவில்லாமல் வாழ்ந்த பகுதியைச் சேர்ந்த திருமண பதிவு அலுவலரிடம் திருமணம் பற்றிய அறிவிப்பை எழுத்து மூலம் கொடுக்க வேண்டும்.

திருமண பதிவு அலுவலர் என்ன செய்ய வேண்டும்?

பிரிவு 5 ன் கீழ் கொடுக்கப்படும் அறிவிப்புகள் அனைத்தும் திருமண அலுவலர் பதிவேட்டுடன் இணைத்து வைக்க வேண்டும். அதோடு அவர் உடனடியாக அந்த அறிவிப்புகள் ஒன்றின் உண்மை நகலை அதற்கென உள்ள திருமண பதிவேட்டில் பதிவு செய்ய வேண்டும். நபர் எவரும் அந்த பதிவேட்டை பார்வையிடுவதற்கு விரும்பும் பொழுது, அதை எல்லா காலங்களிலும் பார்வையிட வழிவகை செய்ய வேண்டும்.

மேலும் திருமண பதிவு அலுவலர் அந்த அறிவிப்பு நகல் ஒன்றை அவரது அலுவலகத்தில் வெளிப்படையாக தெரியுமாறு ஒட்டி விளம்பரம் செய்ய வேண்டும்.

திருமணம் செய்து கொள்ள இருக்கும் தரப்பினர்கள் பிரிவு 5 ன் கீழ் அறிவிப்பு கொடுத்த திருமண அலுவலரின் வட்டார எல்லைக்குள் நிலையான குடியிருப்பை கொண்டிராத போது, திருமண அலுவலர், அவ்விருவரும் நிலையான குடியிருப்பை கொண்டிருக்கும் திருமண அலுவலருக்கு அந்த அறிவிப்பினை அனுப்பி வெளிப்படையாக தெரியும் இடத்தில் அதை ஒட்டி விளம்பரப்படுத்த வேண்டும்.

ஆட்சேபனை யாராவது தெரிவித்தால்?

ஆட்சேபனைகள் ஏதாவது தெரிவிக்கப்பட்டால், அந்த ஆட்சேபனைகளை குறித்து திருமண அலுவலர் முடிவெடுக்க வேண்டும். அறிவிப்பை வெளியிட்ட நாளிலிருந்து 30 நாட்களுக்கு பிறகு, ஆட்சேபனைகள் ஏதும் இல்லை என்றால் அந்த தம்பதிகளின் திருமணத்தை பதிவு செய்ய வேண்டும் ஒருவேளை ஆட்சேபனை இருந்தால் அது குறித்து திருமண அலுவலர் முடிவு எடுக்கலாம். அந்த முடிவின் மீது தம்பதிகள் மேல்முறையீடு தாக்கல் செய்யலாம்.

இதுவே சட்டப்படியான செயலாகும் என்று கீழ்க்கண்ட வழக்கு ஒன்றில் மதுரை உயர்நீதிமன்றம் தீர்ப்பு கூறியுள்ளது. தீர்ப்பை வழங்கியவர்கள் நீதியரசர்கள் திரு. P. R. சிவக்குமார் மற்றும் S. வைத்தியநாதன் ஆகியோர்கள் ஆவார்கள்.

H. C. P. NO - 1722/2015, DT - 18.12.2015

Natarajan Vs Supertendent of police, Pudhukkotai District and Others

(2016-2-MLJ-CRL-27)

நன்றி : வழக்கறிஞர்_D_தங்கத்துரை @ ஹரி அவர்கள், 9894888436. 

நீர்நிலை, பராமரிப்பு, பாதுகாப்பு - உத்தரவுகள்

நீர்நிலை, பராமரிப்பு, பாதுகாப்பு

நீர்நிலை, பராமரிப்பு, பாதுகாப்பு, தொடர்பான சில உத்தரவுகளை பல்வேறு கால கட்டங் களில் உயர்நீதிமன்றங்கள் பிறப்பித்துள்ளன.

நம் மாநிலத்தில், அனைத்து நீர் ஆதாரங்கள் இருந்தும், முறையாக பயன்படுத்தாததால், வளமான நிலங்களை ஆக்கிரமித்தும், கழிவுகளை கொட்டியும், வீணாக்கப் பட்டுவிட்டன. கடுமையான நடவடிக்கை எடுக்க வில்லை என்றால்,தென் ஆப்ரிக்காவில், கேப் டவுன் நகரில் ஏற்பட்ட தண்ணீர் பஞ்சம், நமக்கும் ஏற்படும் நாள், வெகு துாரத்தில் இல்லை!

நீதிபதிகள், எம்.வேணுகோபால், எஸ்.வைத்தியநாதன் தலைமையிலான, சென்னை உயர் நீதிமன்ற பெஞ்ச். ஏப்., 2019 -ல் பிறப்பித்த உத்தரவு

⧭ நீர்நிலை ஆக்கிரமிப்புகளை அகற்றும் பணிகளுக்காக, தலைமை செயலர் தலைமையில், பொதுப்பணித் துறையில், சிறப்பு பிரிவை ஏற்படுத்த வேண்டும்.

⧭ ஆக்கிரமிப்புகளை அகற்றும் நடவடிக்கைகள் குறித்து, தலைமை செயலர், மாதம் ஒரு முறை ஆய்வு நடத்த வேண்டும்.

⧭ ஆக்கிரமிப்பு அகற்றத்திற்கு, போலீசார் ஒத்துழைக்காத பட்சத்தில், ராணுவத்தை அழைக்கலாம்.

 நீதிபதி, கிருஷ்ணகுமார், சென்னை உயர் நீதிமன்றம். ஏப்., 2019-ல் பிறப்பித்த உத்தரவு

⧭ கடலில் வீணாக கலக்கும் மழைநீரை, குளம், குட்டை களுக்கு திருப்பி விட, முயற்சிகள் மேற்கொள்ள வேண்டும்.

⧭ இதற்கு, ஆலோசனை தெரிவிக்க, தமிழக அரசு, சிறப்புக் குழுவை அமைக்க வேண்டும்.

நீதிபதிகள், மணிகுமார், சுப்பிரமணிய பிரசாத் அடங்கிய, டிவிஷன் பெஞ்ச், சென்னை உயர் நீதிமன்றம். 18 ஜூன், 2019ல் பிறப்பித்த உத்தரவு

⧭ மாநிலம் முழுவதும் தண்ணீர் பிரச்னை உள்ளது. இந்த சூழ்நிலை கருதி, எத்தனை நீர்த்தேக்கங்கள் துார் வார நடவடிக்கை எடுக்கப்பட்டுள்ளது; அதற்கு ஒதுக்கப்பட்ட நிதி எவ்வளவு, பணிகளின் நிலை என்ன... சாகப் போகும்போது என்னவோ சொல்வரே, அதுபோல் கடைசி நேரத்தில், தண்ணீர் சேமிப்பு குறித்து, விழிப்புணர்வு பிரசாரம் செய்வதால் என்ன பயன்?

⧭ நீர்த்தேக்கங்கள் மற்றும் ஏரிகள், ஆக்கிர மிப்புகளால் சுருங்கிவிட்டதாக, கவனத்திற்கு வந்து உள்ளது. 

⧭ ஏரிகள், நீர்நிலைகளில் உள்ள ஆக்ரமிப்புகளும், தண்ணீர் தேக்கம் குறைவுக்கு முக்கிய காரணம். ஆக்கிரமிப்புகள் குறித்தும், பொதுப்பணித்துறை செயலர், அறிக்கை அளிக்க வேண்டும்.

கடல் நீரை குடிநீராக்கும் திட்டம் குறித்தும், கூடுதலாக நிலையம் அமைக்க, ஆய்வு ⧭ மேற்கொள்ளப் பட்டதா எனவும், அறிக்கை அளிக்க வேண்டும்.

நன்றி : தினமலர் நாளிதழ் - 19.06.2019

https://www.dinamalar.com 

பென்சன் தொகை பெற யாருக்கு உரிமை உள்ளது?

பென்சன் தொகை பெற யாருக்கு உரிமை உள்ளது?

திருமணமான ஒரு அரசு அதிகாரி இறந்துவிட்டார். அவரது பென்ஷன் தொகையை பெற, அவரது மனைவி அரசி்டம் விண்ணப்பித்தார். அரசாங்கமும் அவரது விண்ணப்பத்தை பரிசீலணை செய்து ஒப்புதல் அளித்தது.

எனக்கும் பங்கு வேண்டும்!

இந்நிலையில் இறந்த அரசு அதிகாரியின் தாய் தனக்கும் அந்த பென்ஷன் தொகையில் பங்கு வேண்டும் என்று உயர்நீதிமன்றத்தில் ஒரு வழக்கைத் தொடர்ந்தார்.

ஆளுக்குப் பாதியாக வச்சிக்கோங்க!

வழக்கை விசாரித்த உயர்நீதிமன்றம் 50% பென்ஷன் தொகையை தாயாருக்கும், 50% பென்ஷன் தொகையை மனைவிக்கும் வழங்க வேண்டும் என்று தீர்ப்பளித்தது.

உச்சநீதிமன்றத்தில் மேல்முறையீடு!

உயர்நீதிமன்றத்தின் தீர்ப்பினை ஏற்றுக் கொள்ளாமல் இறந்த அரசு அதிகாரியின் மனைவி உச்சநீதிமன்றத்தில் மேல்முறையீடு செய்தார். இந்த வழக்கினை நீதியரசர்கள் A.R.Daue மற்றும் L.Nageswara Rao ஆகியோர் முன்னிலையில் விசாரணைக்கு வந்தது.

குடும்ப பென்ஷன் சட்டப் பிரிவின் (Family Pension Scheme 1964 and Subclause - f)-ன் கீழ் திருமணமாகாத ஒருவர் இறந்துவிட்டால், அவரது பென்ஷன் தொகை அவரது தாயாருக்கு வழங்கப்படும். அவருக்கு திருமணம் ஆகிவிட்டால், அவரது மனைவிக்கு மட்டுமே பென்ஷன் தொகை வழங்கப்படும் என்று தீர்ப்பளித்தது.

Supreme Court, Nitu Vs Sheela Rani 2016,

Decided on 28.09.2016

Thanks to Lawyers Line - December 2016

சட்டம் சார்ந்த அருமையான பதிவுகள், தீர்ப்புகள் என்று சிறப்பான சேவையை பொதுமக்களுக்கு தந்து கொண்டிருக்கும் லாயர்ஸ் லைன் பத்திரிக்கை நிர்வாகத்திற்கு நன்றி.

பார்வையாளர்களுக்கு ஒரு வேண்டுகோள்

அருமையான இந்த புத்தகமானது மாதாமாதம் வெளிவருகிறது. சட்டம் குறித்த சந்தேகங்களையும் தீர்த்து வைக்கிறார் இதன் ஆசிரியர் திரு வெ.குணசேகரன் அவர்கள். உங்களது சட்ட அறிவை வளர்த்துக் கொள்ள நீங்களும் இந்த புத்தகத்தின் சந்தாதாரர் ஆகுங்கள்.

By Credit / Debit Card		You can Pay by Credit / Debit Card Online
		For RENEWAL SUBSCRIPTION
By Cheque / DD		Cheque/D.D/M.O in favour of : LAWYERS LINE
		Send your Cheque / Demand Draft / Money Order to the following address  72/3, Anand Apartments 100 Ft. Road, Vadapalani Near Vadapalani Signal Chennai - 600 026, Tamil Nadu,India. Phone No : 044 - 23 65 00 44 Mobile No : 098416 07006 E - mail :: subscription@lawyersline.net
By Bank Deposit		You can deposit amount directly to the following Bank Account
		Account Name : LAWYERS LINE Account No. : 149202000000797 Bank Name : Indian Overseas Bank, Branch : K.K. Nagar, Chennai, India.
Doorstop Service		Doorstep service available in chennai city only
		Do call our office at 044-23650044 or 9841607006, our executive will come and collect in your doorstep by fixing an appointment with you. And this service available only in chennai city.

 ***************************************அன்புடன் செல்வம் பழனிச்சாமி , 15.06.2019 

காவல்நிலையத்தில் மனு ஏற்புச் சான்றிதழ் பெறுவதன் அவசியம்

காவல்நிலையத்தில் மனு ஏற்புச் சான்றிதழ் பெறுவதன் அவசியம் என்ன?

காவல்நிலையத்தில் நேரடியாக புகார் அளிப்பவர்கள் தங்களால் அளிக்கப்படுகின்ற புகார் சம்பந்தமான, மனு ஏற்புச் சான்றிதழ் எனப்படுகின்ற CSR ரசீதை  கண்டிப்பாக அவர்களிடமிருந்து கேட்டு வாங்கிக் கொள்ள வேண்டும். இல்லையென்றால், முதலில் புகார் அளித்த வாதி மீது, பிரதிவாதி புகார் அளித்து தப்பித்துக் கொள்ள  வாய்ப்புள்ளது. இன்றைய காவல்நிலையங்கள் அரசியல்வாதிகளுக்கும், செல்வந்தர்களுக்கும், அடிபணிந்து நடப்பதை பல செய்திகளில் பார்க்கலாம்.

எடுத்துக்காட்டு : 1

உதாரணமாக உங்களை ஒருவர் தாக்கியவுடன் காவல்நிலையத்திற்கு நேரடியாக சென்று எழுத்து மூலமாக புகார் அளிக்கிறீர்கள் என்று வைத்துக் கொள்வோம். அந்தப் புகாருக்கு மனு ஏற்பு ரசீது வாங்கிவிட்டால் நல்லது. நீங்கள் முதலில் புகார் அளித்ததை மாற்ற முடியாது.  இல்லையென்றால், அந்த காவல் நிலையத்தில் உள்ள அலுவலர்கள் உங்களை தாக்கியவருக்கு வேண்டியவர்கள் என்றால், அவரிடமிருந்து ஒரு புகாரை எழுதி வாங்கி பதிவு செய்து கொண்டு, (நீங்கள்தான் அவரை முதலில் அடித்ததாகவும்,  அவர் உங்கள் மீது ஏற்கனவே புகார் அளித்திருப்பதாகவும் கூறி) வழக்கை திசை திருப்பி உங்களை மிரட்டி பணிய வைக்க முடியும்.

எடுத்துக்காட்டு ;2

நீங்கள் உங்கள் நண்பருடன் ரோட்டில் நடந்து சென்று கொண்டிருக்கிறீர்கள். ஒரு கார் வேகமாக வந்து உங்கள் நண்பர் மீது மோதிவிட்டு நிற்காமல் சென்று விடுகிறது. காரின் நம்பரை குறித்து வைத்துக் கொள்கிறீர்கள். நண்பருக்கு விபத்தினால் பலத்த காயம் ஏற்பட்டு. உயிருக்கே ஆபத்து. உண்டாகிறது. நண்பர் சுயநினைவை இழக்கிறார். அருகில் உள்ளவர்கள் மூலம் நண்பரை ஆஸ்பத்திரிக்கு அனுப்பிவிட்டு , புகார் அளிக்க காவல் நிலையம் செல்கிறீர்கள். புகாரை பெற்றுக் கொண்டு ரசீது தரவில்லை என்றால், ஏதோ தவறு நடக்கப்போகிறது என்று அர்த்தம். காவல் துறையினர் அந்த கார் உரிமையாளரிடம் தொடர்பு கொண்டு அவரது காரை ஒரு மணி நேரமாக காணவில்லை என்று புகார் எழுதி வாங்கிக் கொண்டு, அதனை முதலில் பதிவு செய்து, காரை திருடியவர்தான் விபத்தை உண்டாக்கிவிட்டார் என்று அந்த புகாரை முடித்து வைக்க முடியும். அந்த கார் உரிமையாளரை அந்த வழக்கில் இருந்து தப்பிக்க வைக்க முடியும். 

எச்சரிக்கையாக இருந்து கொள்ளுங்கள்

ஆகையினால், காவல்நிலையத்தில் எந்தப் புகாரையும் நேரடியாக அளித்தால் மனு ஏற்பு சான்றிதழ் பெற தவறாதீர்கள். எல்லாக் காவல் நிலையங்களிலும் இது போல் நடப்பதில்லை என்றாலும், தயவு செய்து எச்சரிக்கையாக இருந்து கொள்ளுங்கள்.

அவர்கள் தர மறுக்கும்போது மனுதாரர் என்ன செய்ய வேண்டும்?

அவர்கள் புகார் மனு ஏற்புச் சான்றிதழ் தர மறுத்தாலோ, தட்டிக் கழித்தாலோ உடனடியாக அந்த மனுவின் ஒரிஜினல் காப்பி ஒன்றை பதிவுத்தபால் மூலமாக மாவட்ட கண்காணிப்பாளர் அவர்களின் அலுவலகத்திற்கும், அந்த காவல் நிலையத்திற்கும் அனுப்பி வைத்து விடுங்கள். இதை செய்வதன் மூலம் ஒரு நல்ல ஆதாரத்தை மற்றும் பாதுகாப்பை நமக்கு நாமே ஏற்படுத்திக் கொள்ள முடியும்.

காவல்துறை இயக்குநர் அவர்களின் ஆணை

காவல்நிலையங்களில் எந்தப்புகார் அளித்தாலும், அதற்கு தாமதமில்லாமல் உடனடியாக மனு ஏற்புச் சான்றிதழ் வழங்க வேண்டும் என்று கடந்த 1997ம் ஆண்டு வெளியிடப்பட்ட தமிழக அரசின் உள்துறை வெளியிட்ட ஆணை நகல்,  காவல்துறை இயக்குநர் அவர்கள் வெளியிட்ட ஆணை நகல், மனு ஏற்புச் சான்றிதழ் நகல் ஆகியவற்றை  தகவல் அறியும் உரிமைச் சட்டத்தின் கீழ் பெற்ற  முகநூல் நண்பர் திரு Saravanan Palanisamy  அவர்கள் முகநூல் நண்பர் திரு  A.Govindaraj Tirupur அவர்கள் மூலமாக நமக்கு வழங்கி உதவியிருக்கிறார்கள். அவர்கள் இருவருக்கும் நன்றி. அதன் இணைப்பு கீழே உள்ளது.

https://drive.google.com/file/d/1-Lm3tVu8dHVE9eYQjwUtMEfvEpXht0Ky/view?fbclid=IwAR3xMs9rfQuFR04INEtS8uMmMOUwJiMNGcyPPsNuo7eEZaOgbfxYvoqWWto

******************************************* அன்புடன் செல்வம் பழனிச்சாமி - 11.06.2019